Духовный стих происходит из Русского Севера
Попекися, душе моя, о своем ти спасении,
Огорчися, душе моя, на прелестное житие мирское.
Научися, душе моя, завсегда о себе плакати,
Смертный час помышляющи, суда всегда ожидающи.
Да плачется, душе моя, како умрети будет,
С чем лицу горию явитися,
Отчего мне оправдитися.
Несть деяния ти добраго,
Токмо злых дел вся исполнена:
Злобы, гнева и ярости,
И пиянства, и сна, и ненависти,
Татьбы, грабления и блуда,
Сребролюбия же и студа,
О суждения и гордости,
Злословия же и лютости,
Срамословия же и буести,
Острожелчия и тягости,
На братию зла и ненависти,
Нечистыя злыя мерзости,
Смрада сквернаго и наглости,
Напыщения и супости.
Душ у с телом всю осквернила,
Древнюю красоту помрачила.
В пришествие его будущее пред Спасителем стоящи,
На свои дела взирающи и умом вся помышляющи.
Д а рыдает душ е моя, како с телом разлучитися,
Со всем родом разлучатися
И всего мира лишатися.
Не в помощь ти, душе моя,
Слава мира суетнаго.
Не в помощь ти, душе моя,
Ни сан, ни честь, ни богатество.
Не в помощь ти, душе моя,
Тамо будет злато и сребро.
Не в помощь ти, душе моя,
Ни отец, ни мать, ни сестра.
Не в помощь ти, душе моя,
Друзи знаемы и сродницы.
Не в помощь ти, душе моя,
Ни злая скупость лукавая.
Не в помощь ти, душе моя,
Простота, глупость безумная.
Не в помощь ти, душе моя,
Незлобие неразъсудное.
Не в помощь ти, душе моя,
Неизвитие словес твоих.
Не в помощь ти, душе моя,
Красноречие тщеславное.
Не в помощь ти, душе моя,
Любовь ко всем лицемерная.
Не в помощь ти, душе моя,
Праздность, леность, небрежение.
Не в помощь ти, душе моя,
Часто мирское ядение.
Не в помощь ти, душе моя,
Н а мягких ложах легание.
Не в помощь ти, душе моя,
Драгоценное одеяние.
Не в помощь ти, душе моя,
И злиш них брашен ядение.
Не в помощь ти, душе моя,
Смехи, беседы бесчинныя.
Не в помощь ти, душе моя,
Мерзостное празднословие.
Не в помощь ти, душе моя,
С грехолюбцы водворение.
Не в помощь ти, душе моя,
П раздное в мире хождение.
Не в помощь ти, душе моя,
Не полезное всегда зрение.
Не в помощь ти, душе моя,
В земных упражнение.
Токмо в помощь ти, душе моя,
В правой вере дела добрая.
Токмо в помощь ти, душе моя,
В церьковъ Божию хождение.
Токмо в помощь ти, душе моя,
молитве трезвое стояние.
Токмо в помощь ти, душе моя,
Всегда иметь память смертную.
Токмо в помощь ти, душе моя,
Книжное ти почитание.
Токмо в помощь ти, душе моя,
М олчание и смирение.
Токмо в помощь ти, душе моя,
Убегати осуждения.
Токмо в помощь ти, душе моя,
Не полезных отвращение.
Токмо в помощь ти, душе моя,
Ядение с воздержанием.
Токмо в помощь ти, душе моя,
Нищих бедных всех любление.
Токмо в помощь ти, душе моя,
Всех потребных к тем даяние.
Токмо в помощь ти, душе моя,
Свары, злобы примирение.
Токмо в помощь ти, душе моя,
Досады хулы терпение.
Токмо в помощь ти, душе моя,
Плач, слезы и рыдание.
Токмо в помощь ти, душе моя,
Чистота к Богу и покаяние.
Токмо в помощь ти, душе моя,
Непрестанное моление.
Токмо в помощь ти, душе моя,
Н а голой земли легание.
Токмо в помощь ти, душе моя,
Ночьное будет моление.
Токмо в помощь ти, душе моя,
Больных, глухих посещение.
Токмо в помощь ти, душе моя,
Земное ти поклонение.
Токмо в помощь ти, душе моя,
Любовь ко всем равная.
Токмо в помощь ти, душе моя,
Пост, молитва с воздержанием.
Токмо в помощь ти, душе моя,
Странных, бедных укрывание.
Токмо в помощь ти, душе моя,
Нагих, босых одевание.
Токмо в помощь ти, душе моя,
Тайное к нищим даяние.
Токмо в помощь ти, душе моя,
С любовию тех питание.
Тем избавиш ися, душе моя,
От злыя муки превечныя.
Тем наследиши, душе моя,
Себе царство небесное.
Творцу Богу от нас держава,
Честь, слава, поклонение.
Прежде бе, и ныне, и присно,
И во веки веком,
Аминь.