Попов Н. Народные предания жителей Вологодской губернии, Кадниковского уезда, с. Замоша: Этнографический материал собран в 1857 году // Живая старина. — 1903. — Вып. 3.
Спала Пресвятая Богородица
во святем граде Вифлееме Иудейстем в марте месяце
и сон видела вельми страшен и претивен
о Сыне Своем возлюбленном, Господе нашем Иисусе Христе;
и прииде к ней Господь наш Иисус Христос и рече Ей:
«О, Мати Моя возлюбленная, Пресвятая Богородица,
спала в святем граде Вифлееме Иудеистем
и что во сне видела?»
Она же отвеща Ему:
«Сыне мой дражайший, Исусе Христе и Боже мой!
во сне видела Архистратига Михаила
и прочих небесных сил бесплотных».
И рече ей Господь наш Иисус Христос:
«Аминь, аминь глаголю Тебе,
Мати Моя возлюбленная, Пресвятая Богородица,
не истину рекла еси».
Она же отвеща ему:
«О, пресладкий и прещедрый Исусе Христе,
Сыне и Боже мой!
аще истину реку Тебе, утроба Моя терзается во Мне,
очи Мои преграждаются, гортань Моя зчезает глаголати Тебе;
во сне видела Тебя, Господа Моего Исуса Христа,
Сына Божия,
у жидов поймана и приведена
к Понтийскому Пилату Игемону,
и к столбу привязана, биена, заушена, оплевана,
и на древе крестнем кипарисе, певке и кедре распята,
руце и нозе Твои святыя ко кресту пригвоздиша
и тернов венец на главу Твою святую возложиша,
желчию и оцтом напоиша;
и един от воинов ко кресту приступи,
и в ребра Твоя святыя копием прободе;
и от ребр Твоих святых изыде кровь и вода
на исцеление миру и на спасение душам христианским;
и тогда солнце померче и луна в кровь претворися,
небо и земля потрясошася, камение распадошася,
церковная завеса раздрася надвое
с верхнего краю до нижнего,
и тма бысть по всей земле от шестаго часа до девятаго;
и благоразумный Иосиф с Никодимом
попросиша у Пилата пречистое тело Твое,
и, со креста снем, плащаницею чистою вив,
и с благоуханием во гробе нове покрыв, положи;
и в третий день воскресе, всему миру живот вечный дарова,
рукописание Адамово раздра, адовы вереи железныя сломи
и врата медная сокруши, и всех из ада изведе,
и диавола на тысящу лет связа».
И рече ей Господь наш Исус Христос:
«О, Мати Моя, возлюбленная Пресвятая Богородица,
Дево Мария!
аминь, аминь глаголю Тебе: воистинну сон Твой
не ложен есть,
Богу и Отцу Моему изволившу, на сие бо приидох в мир
искупити род человеческий от мучительства диаволя
Своею кровию.
Аминь».
Аще кто сон Твой Богородичен
в дому своем держит в чистоте,
и к тому дому не прикочнется нечистый дух,
не злый человек,
и (будет) скоту приплод и хлебородие.
Аще кто в пути с собою в чистоте носит,
к тому человеку не прикочнется
не тать, ни разбойник, не злый дух.
Аще кто при смерти своей
сон Твой Богородичен помянет или прочитает с верою,
и тот человек избавлен будет вечных мук.
Аще кто на море и на реках и езерах
сон Твой Богородичен иметь будет в чистоте,
и сохранен будет от потопления предстательством
Пресвятыя Владычицы нашея Богородицы
и Приснодевы Марии,
заступлением и молитвами Ея избавит Господь
от Твоих бед и скорби.
Аще сон Твой Богородичен жена обремененная
иметь будет в чистоте
и с верою будет прочитывать и слушать
с сокрушенным сердцем,
и легко отроча родит
молитвами Пресвятыя Богородицы и Приснодевы Марии.
Аминь.