Источник: Материалы к истории и изучению русского сектантства и раскола /Materiaux pour servir a l`histoire des sectes russes/ : в 5 вып. / под ред. Бонч-Бруевича В. — СПб.: Тип. Б. М. Вольфа, 1908. — Т. 1. Баптисты. Бегуны. Духоборцы. Л. Толстой о скопчестве. Павловцы. Поморцы. Старообрядцы. Скопцы. Штундисты. — С. 291.
Пред(явление).
Европа ты славнейшая,
мужа сего изнесшая,
в российском царстве хранящи,
в поморских краех держащи,
возрастивши его млада
в пределех Олонца града, —
Рождение.
рождьшася в селе посадском,
в славном рядке Повенецком,
иже, дом оставль юностие,
сшед в пустыню ревностне,
вселися в ней младолетен,
сый седмьнадесятолетен.
Пребывание.
Тогда тогда проявися,
пустыня Выговская открыся,
во всю бо Русь произыде
и концы ее обиде,
иже и мног народ собра,
зря в себе пастыря добра,
от всех Богом предъизбранна
и во всех им одаренна,
сего отца пречестного,
учителя всеблагого,
Поморию пресладчайша,
Выгорецким же дражайша.
Деяние.
Горы и холмы в ней чистив,
храмы молитв там ставив,
киновии две согради,
аки красны вертогради.
Терпение.
Многи скорби, многи беды
сперва подъя многолетны,
глад, наготу с нищетою,
во всех всего скудотою.
Учение.
Сего ради во страны ходя,
христолюбивцев сонмы водя,
по пустыни населяя,
в древней вере наставляя.
Слава.
Тем же везде объявися,
учительством уяснися,
по всем краем пронесеся,
во всякий слух внесеся
и в царских устнех вещаем,
и в синодских обношаем,
яко церковный рачитель,
староверцев всех учитель,
зане бысть и в сан украшен,
отчелепства главы страшен,
мерою возраста средня,
честию же влас проседа.
Преставление.
И по сих всех умертвися;
зельно главою томився
двема нощеденьствы токмо,
пременися здешних скорбно,
пятьдесять шестого лета
скончавши своего века;
знамена(в)ся крестом честне,
преставися благочестне,
сый того исповедник,
печатлевся, победник,
погребен бысть от чад своих,
рыдающих в слезах многих.
Жалости.
Ах, ах свет нам явный,
еуангельски в мир сияный,
пастырю наш прелюбезный,
учителю нам полезный!
Андрее Дионисьевич!
Вскую скоро тако скрыся,
гробом смертности покрыся,
нас остави сиротети,
во вся дни своя скорбети?
Зане горько обиженных,
от тя скоро отторженных
аки пленника рукою,
смертны лютости косою.
Плач.
О, о нам умиленным,
в горки слезы окропленным,
сице тя, предрагу главу,
спущшим просто в вечну славу,
ни мало бо завещавши,
ах, ничто к кому вещавши.
О нашего несчастья,
люта зело сердца съядта,
ниже словес драгих получше,
ах, ни сладких очес случше,
Богу всетворцу извольшу,
так судьбами си сотворшу.
Помяновение.
Тем же молим ти ся, Боже:
покой душю в раиско ложе
сего верного ти раба,
воина церковна храбра,
течение си скончавша,
и веру зело собдюдша.
Прочее, царю превечный,
соблюди и в живот вечный,
правды венцем венчевая,
Павлов глагол скончевая,
милость показуя над ним
в бесконечныя веки. Аминь.